Epress.am Լուրեր Հայաստանից
52 ցմահ դատապարտյալներ, որոնք իշխանություններից պահանջում են վերանայել իրենց գործերը, այսօր դադարեցրել են հոկտեմբերի 12-ին սկսած հացադուլը՝ մինչև հաջորդ հինգշաբթի: Այս մասին Epress.am-ի հետ զրույցում ասել է հացադուլի մասնակից Վաղարշակ Ավետիսյանի մայրը՝ Մարինե Բադալյանը:
«Իրենք առանց այդ էլ այդքան առողջություն չունեն: Դեմն էլ շաբաթ֊կիրակի է: Որոշել են՝ մինչև հաջորդ հինգշաբթի դուրս գան հացադուլից, տեսնեն՝ երեկ մեր կողմից Կառավարությանն ուղղված պահանջը ի՞նչ պատասխան է ստանում, ըստ այդմ՝ կորոշեն, թե ինչ անել: Եթե հարցը չլուծվի, մենք քննարկելու ենք բոլորս՝ հարազատները դրսում, իրենք՝ բանտում, հացադուլ անելու տարբերակը, սակայն էդ ամենի մասին կհայտարարենք հինգշաբթիից հետո», – ասել է Մարինե Բադալյանը: