«Զինվոր, չձուլվես երբեք». «Չենք լռելու»-ն սոցիալական գովազդ է ներկայացրել (ՏԵՍԱՆՅՈՒԹ)

Բանակում տիրող արժեհամակարգի պատճառով բազմաթիվ զինվորներ կորցնում են իրենց ուրույն դիմագիծը` փորձելով չտարբերվել մեծամասնությունից: Դրա հետևանքով բանակից հետո հաճախ կյանք են վերադառնում մոխրագույն զանգվածի մաս դարձած բազմաթիվ երիտասարդներ, հաղորդում է «Չենք լռելու» երիտասարդական նախաձեռնությունը:

«Չենք լռելու»-ի կողմից պատրաստված հերթական սոցիալական հոլովակը նվիրված է այս խնդրին: Տեսանյութում իր զորացրման օրը նկարահանվել է արդեն նախկին ժամկետային զինծառայող Արամ Փարսադանյանը: