ՏԵՍԱՆՅՈՒԹ – «ՀԱԿ-ը չի բացառում իր մասնակցությունը իրական կոալիցիայում». ՀՀ առաջին նախագահ

ՀԱԿ առաջնորդ, ՀՀ առաջին նախագահ Լևոն Տեր-Պետրոսյանն այսօրվա հանրահավաքին գնահատել է քարոզարշավի ընթացքը և խոսել ընդդիմադիր ուժի անելիքների մասին Ազգային ժողովի անցնելուց հետո:

«Ուժերի նպաստավոր դասավորության պարագայում Ազգային Ժողովում կարող է ձևավորվել նոր, իրական կոալիցիա, փոխարինելով մինչ այժմ գործած կեղծ կոալիցիաներին, որոնցում մշտապես գերիշխող դիրք է զբաղեցրել Հանրապետական կուսակցությունը, իսկ կրտսեր գործընկերներին բաժին ընկել երկրորդական ու նվաստացուցիչ դեր։ Հայ Ազգային Կոնգրեսը չի բացառում իր մասնակցությունը իրական կոալիցիայում՝ կտրականապես մերժելով, սակայն, որևէ համագործակցություն Հանրապետական և Օրինաց երկիր կուսակցությունների հետ, նրանց համարելով մեր երկրի գլխավոր չարիքը», – մասնավորապես, ասել է ընդդիմության առաջնորդը: