«Արտ լաբորատորիա» խումբը, արձագանքելով փետրվարի 12-ին Հրազդանում կայացած ընտրություններին, Երևանում ակցիա է կազմակերպել՝ մայրաքաղաքի տարբեր հատվածներում կարմիր ներկով ձյան վրա գրելով «5000 դրամ»:

Ակցիան կոչվում է «Ընդդեմ ընտրակաշառքի». 5000 դրամն այն գումարն է, որը, համաձայն ընտրությունների օրը տարածված տեսանյութում խոսող մի կնոջ, վճարել են մարդկանց մեկ ձայնի համար:

YouTube կայքում տեղադրված ակցիան ներկայացնող տեսահոլովակում ձյան վրա գրող երիտասարդներին անցորդները հարցնում են, թե վերջիններս որ կուսակցությունից են, ինչին պատասխան են ստանում. «Ոչ մի: Սա ակցիա է ընտրակաշառքի դեմ»:

5000 դրամ գրությունը արվեստագետները թողնում են նաև Կենտրոնական ընտրական հանձնաժողովի դիմաց, ինչը դուր չի գալիս ծառայությունն իրականացնող ոստիկանին, ով ոտքով սկսում է ջնջել գրվածը:

Կայքի նյութերի ամբողջական կամ մասնակի օգտագործման դեպքում հղումը Epress.am-ին պարտադիր է: Խմբագրությունը պատասխանատվություն չի կրում կայքում արտահայտված բոլոր կարծիքների համար «Անկախ լրագրողների ցանց» ՀԿ. Հեռ.` +374 (91) 541257 Էլ. հասցե` editor@epress.am